Lorole o bona gore bogolo a swe a sena mosadi go na le gore a nyale Lobisa wa motlholagadi. Le fa Lobisa e le mohumi, Lorole o ipona gore bogolo a dule e le mohutsana. Lorole would rather remain a bachelor – or even die! – than marry the wealthy widow Lobisa. Why is he so adamant about the suggested marriage? Ke mo go e nngwe ya dipolase tse batho ba Bantsho ba nang le tetlelelo ya go di reka mo tikologong ya Tlhabane (Rustenburg). Go eme ntlo e ntle ya dipota tsa ditena le marulelo a masenke, le difensetere tsa digalase. Ke lona legae la ga Jakopo Radipitse le mosadi wa gagwe Lobisa. Gaufi le ntlo e ntle e, go eme ntlwana ya dipota tsa mmu le marulelo a bojang. Ke ntlwana e Jakopo Radipitse a e agetseng monnawe, Lorole, le batlhanke ba gagwe ba ba tona.