Eka novhele leyi mutsari u kombisa hi ndlela yo khumba swinene ndlela leyi vutomi bya vana lava nga loveriwa hi vatswari va vona byi nga tikaka na ku vava ha kona. Eka novhele leyi mutsari u kombisa hi ndlela yo khumba swinene ndlela leyi vutomi bya vana lava nga loveriwa hi vatswari va vona byi nga tikaka na ku vava ha kona. Mutsari u kombisa xikan'we na hi ndlela leyi vanhu lava va nga eka ku tikeriwa ko tani hi loku, va nga vaka na xivindzi ha kona xa ku langutana na xiyimo xin'wana na xin'wana hambiloko ku nga ri na loyi va nga rilelaka ka yena. Eka hungu leri ra gome na ku khutaza, Mihloti u va na xilondza xo dziva endzhaku ka loko tata wa yena a lova a ha ri ntsongo. U tikuma a lava ku xanisiwa hi vanhu lava va tilavelaka swa vona ntsena kambe u kuma matimba yaku tiyimela, a langutana na vona. Leswi swi n'wi nyika matimba yaku langutana na swin'wana swiyimo swo tika, naswona u dyondza ku famba na xilondza xa yena eka swiyimo swo tika swa vutomi bya yena. Vahlayi va vantshwa va ta kota ku twisisa swiyimo swo tala swo tika

vuntshwa bya Mihloti, naswona va ta kuma ku khutazeka loko va vona vuswikoti bya yena bya ku tiyimela, a khomelela eka leswi a tshembaka leswaku swi lulamile. Leswi swi endla leswaku yi va ya nkoka eka ku hlayiwa eswikolweni. C.M. Lubisi i mutsari wo tiveka naswona wo rhandziwa ngopfu loyi novhele ya yena ya Xijahatana yi nga kuma xiyimo xo sungula eka mphikizano wa Maskew Miller Longman Literature Award hi 2007 na le ka MNet Literary Award hi 2008 eka xiyenge xa Xitsonga. Tsalwa ra yena ra N'wina na rona a ri hlawuriwile.