Lokwalo lono lo bua segolo ka dikeletso tsa lekolwane le le batlang katlego mo botshelong fela ka kakaretso mmogo le mo lenyalong. Le bona kgarejana e le e kgatlhegelang mme le ikaega ka yona go e dira letlotlo la lorato le dikeletso tsa lona. Lokwalo lono lo bua segolo ka dikeletso tsa lekolwane le le batlang katlego mo botshelong fela ka kakaretso mmogo le mo lenyalong. Le bona kgarejana e le e kgatlhegelang mme le ikaega ka yona go e dira letlotlo la lorato le dikeletso tsa lona. Maikaelelo a gagwe a bona katlego e le e eleditseng la ba la simolola motse wa lona, la aga lelapa le le tiileng mo motseng wa gaabo wa Pudumong mo Taung. Le fa gona a ne a santse a tshelela mo setsong sa gaabo, a sa ngaole ka ntlha ya katlegonyana ya gagwe, a nna a phasalatsa diphuka tsa gagwe ka fa a ne a santse a le mo bosweng. A simolola go naganela pele le go ipaakanyetsa bokamoso jo bo sa itseweng. A tsenela matsema a sekgoa a go ipoloka. A baakanyetsa loso le phitlho ya gagwe a sa le mo botshelong. Tsebetsebe ya tsena batho fa ba utlwa, e bile

ka matlho ba iponela, fa go ne go epiwa mabitla, la gagwe le la ga mogatse, a ba a tlhomelwa letlapa le tshwaragane, e le segopotso sa bona jaaka baswi.