SY IS TERUG IN VOLLE GLORIE MET FLORIE SE STORIE - HAAR EIE GESELSPROGRAM! - Dinge verloop nie soos Florie verwag het nie. Sy moet dink aan wat om te se, wie om as gaste te nooi en wat om te dra. Maar Florie vergeet om aan ander se gevoelens te dink. Nadat sy al haar gaste verneder en verkleineer het besef Florie dat sy om verskoning moet vra. Florie leer dat woorde baie kragtig kan wees. Om die waarheid te se, net die woorde 'ek is jammer' kan 'n ongelooflike groot verskil maak. Om vergifnis van ander te vra wys dat jy jammer is en kan selfs vriendskappe herstel. Die storie is gegrond op Kolossense 3 vers 13 waar God ons leer om mekaar te vergewe net soos Hy ons vergewe.