n kykNET Mokumenter oor die Fransen Hotel in die klein dorpie van Fransenburg in Mpumalanga. Eens die trotse baken van die dorp, kry die hotel nou skaars een uit vyf op TripAdvisor. Die hotel word deur Ferdie Kruger (James Borthwick) bestuur, wat moet sien kom klaar en saam met sy klein groepie personeel probeer om die substandaard-hotel se deure oop te hou. Die hotel word deur die groot Lourier hotelgroep gekoop. Hulle stuur 'n jong konsultant, Thomas van As (Beer Adriaanse), om die Fransen weer op koers te kry. Ferdie stel Danny (Schalk Bezuidenhout), 'n akteur wat maak asof hy 'n hoteljoggie is, aan om die personeel 'n les te leer. Ander lede van die rolverdeling sluit in Oom Dirk, die faktotum (Graham Weir), Mnr van As, die eienaar van die Lourier hotelgroep (Hannes Muller), Joanie die ontvangsdame (Simone Nortmann), Brenda, die hoof van bemarking en ekskursies (Martelize Kolver), Maggie die sjef (Sandi Schultz), en Melanie, wat in die hotel se restaurant werk (Mila Guy). Gaskunstenaars wat in die reeks gesien kan word, sluit Ivan Botha, Bobby en Karlien van Jaarsveld en Karin van der Laag in. What's In The Box: 2 x DVD