IEMAND SOOS JY is die verhaal van Katrien, gespeel deur Janet du Plessis, wat in die tronk beland as gevolg van die moord op haar vriend, Willem (Danny Keogh). André (Hans Strydom), ‘n vriend van Katrien, werk vir Erika (Milla Louw), eienaar van ‘n suksesvolle sakeonderneming, wat alles moontlik probeer sodat haar dogter, Roelien (Anneline Kriel), ‘n ernstige verhouding met André aanknoop. André tree as Katrien se prokureur in die moordsaak op, en sy word vrygespreek. Ná die hofsaak gaan hul paaie egter uitmekaar en Katrien besluit om ‘n nuwe lewe saam met haar seun, Willempie, te begin. Vyf jaar later, met die begrafnis van André se ma, sien hulle mekaar weer. Iemand Soos Jy is ‘n pragtige, boeiende liefdesverhaal van lief en leed, hoop en deursettingsvermoë. Ander bekende spelers is Don Leonard, Jan Bruyns,