'n Aksie-avontuur wat die storie van Otto se worstelstryd met Francois, die skool boelie, vertel. Wanneer sy juffrou noem dat Simson inderdaad nie 'muscles' gehad het nie, want spiere kan moeg raak, en sy verduidelik dat hy die Heilige Gees gehad het, besef Otto dat dit sy antwoord is. Otto vra vir sy pa hoe 'n mens die Heilige Gees kry. Dis egter wanneer hy gaan slaap dat die poppe begin dans. Hy het die aand te veel TV-speletjies gespeel en word in sy droom wakker in sy 'army' TV-speletjie. Die weermag-tema word dan gebruik om vir oud en jonk te leer van geestelike weerbaarheid. Die film inspireer jonk en oud om weer van voor af bewus te word van die realiteit van die Heilige Gees, ons hoef nie die lewe in ons eie krag aan te durf nie!